Pse Isa Boletini, njëri nga etërit e kombit tonë, mbërriti një ditë me vonesë kur Shqipëria shpalli pavarësinë më 1912? Askush nuk e thoshte dot me siguri, deri në shpalosjen e madhe pas plot njëqind vjetësh.
Kishte ngelë duke blerë birra për të festuar, sipas Birra Tirana.
E transmetuar mes një morie reklamash gjatë festimeve të 100-vjetorit të pavarësisë, kjo reklamë jo vetëm dallohej, por madje u bë temë debati të nxehtë midis kujdestarëve më konservatorë të historisë dhe kundërshtuesve të tyre më të rinj, që nuk e kishin problem ndonjë shaka kohë pas kohe.
Ky debat, si përfundim, u mbyll me nga një birrë.
Qysh përpara, modelja e bukur Afërdita Dreshaj, ishte fytyra e birrës Kuqalashe me vite. Sfida jonë ishte t’ia rifreskonim imazhin, duke krijuar një bukuri të pakapshme që shfaqet vetëm kur e hapni atë shishe birre.
Prodhuam një sërë fushatash në një varg lokacionesh, duke ua dhënë reklamave televizive nga një gjetje, për të treguar se gjërat e bukura nuk vijnë lehtë, por kur vijnë ama, të lënë pa frymë.
Fushata fill u bë hit anembanë Shqipërisë, madje pjesa e fundit e dialogut ende përdoret si batutë.
